Regnum Ceredigean[1] (Cambrice Teyrnas Ceredigion), etiam Cardikan vocatum,[2] fuit unum ex regnis Cambricis quae Medio Aevo floruerunt. Creatum est saeculo quinto, cum Britannia a Romanis relicta esset. Nomen regni a Ceretico filio cuiusdam Cuneddanis derivatur, qui filius circa annum 453 mortem obiit.
Cereticus regnum ad sinum Cereticense in comitatu Cereticensi hodierno constituit. Saeculo octavo ineunte, reges Ceredigeani terras montanas ad orientem ceperunt, quas Seisyllwgum nominaverunt. Anno 894, Saxones Regnum Ceredigeanum vastaverunt, et regem Guoccaunum iugulaverunt. Hoc in tempore, regnum aut Ceredigeano aut Seisyllwgo relatum est. Saeculo decimo, Howelus Bonus, in Ceredigeano et Seisyllwgo regens, cum parvis regnis aliis Regnum Dextralium Britonum consttuit.